Регионы разамонæг æфсæддонты бинонтæн ракодта тæфæрфæс, æмæ загъта, нæ лæппутæ сæ цардыл нæ ауæрдгæйæ, сæрбæрзондæй кæй сæххæст кодтой се фсæддон хæс
Цæгат Ирыстоны Сæргълæууæг Сергей Меняйло Лæгдзинады ордентæ радта, сæрмагонд æфсæддон операцийы архайгæйæ чи фæмард, уыцы службæгæнджыты хæстæджытæн.Регионы разамонæг æфсæддонты бинонтæн ракодта тæфæрфæс, æмæ загъта, нæ лæппутæ сæ цардыл нæ ауæрдгæйæ, сæрбæрзондæй кæй сæххæст кодтой се фсæддон хæс. Равдыстой стыр хъæбатырдзинад æмæ лæгдзинад, сабырдзинады æмæ рæстдзинады сæраппонд. Хъыгагæн, уымæн арæх бахъæуы æгæр стыр аргъ бафидын. Мах кæддæриддæр нæ сæр бæрзæндты хæсдзыстæм, ахæм ныфсхаст фæсивæд нæм кæй ис, уый тыххæй, – загъта Сергей Меняйло. Уæрæсейы Федерацийы Президенты Уынаффæмæ гæсгæ, Лæгдзинады ордентæй сæ амæлæты фæстæ хорзæхгонд æрцыдысты:
– лейтенант Абайты Давид,
– гвардийы сержант Джиоты Ацæмæз,
– сержант Найфонты Аслан,
– сержант Сергей Роговой,
– кæстæр сержант Гæджиты Тамерлан,
– кæстæр сержант Бестауты Ацæмæз,
– кæстæр сержант Базраты Марат,
– рæнхъон Лазарты Таймураз,
– рæнхъон Александр Попов,
– рæнхъон Кирилл Халин.
