Æмбырды архайдтой цæрæнуæтты-коммуналон хæдзарады, артаджы
Электрон тыхæй æфсадыны æдасдзинады тыххæй æрдзырдтой республикæйы Хицауады. Æмбырды архайдтой цæрæнуæтты-коммуналон хæдзарады, артаджы æмæ энергетикæйы министр Таматы Майрæн æмæ æнæнхъæлæджы уавæрты министрады сæйраг республикон управленийы хицау Александр Хоружий. Ныхас цыд фæззыгон-зымæгон хъармгæнæн сезонмæ цæттæдзинадыл, стæй зынгсирвæзтыты профилактикæйыл. Æмбырды куыд загътой, афтæмæй ацы аз нысангонд æрцыд 432 зынгсирвæзты, фарон та – 451. Дзырдтой, энергийæ æфсадыны резервон гуырæнтæ æххæст кæныныл, хицæуттæ кæмæн нæй, ахæм электрон хызты объекттæ куынæг кæныныл, стæй хъармгæнæн-энергетикон комплексы фарстатæ куыд лыг кæнын хъæуы, ууыл. Сæйраг æвзарæн къамисы сæрдар Моргуаты Жаннæ сæрмагонд æргом аздæхта, электрон тыхы системæты æнæкъуылымпы куыст æххæст кæнын уæлдай ахсджиаг кæй у æвзæрстыты бонты, уымæ.
