Æдæппæтæй Цæгат Ирыстоны афæдзы райдианæй райгуырд 5 мин сабийы
Ацы азы райдианæй нæ республикæйы алы ноггуырд дæр райсы æхсызгон лæвæрттæ Сергей Меняйлойы номæй. Æдæппæтæй Цæгат Ирыстоны афæдзы райдианæй райгуырд 5 мин сабийы. Æмæ сæ алчидæр райста йæ лæвар регионы сæргълæууæгæй. 2023-æм азæй фæстæмæ та Уæрæсейы ныффидар кæндзысты ныййарджытæн æмæ сæ сабитæн æххуысы ног мадзæлттæ. Фидараты Маринæ радзурдзæн бæлвырддæр.
Шахназ Абдуллаева амæй фæстæмæ хæсдзæн мады кадджын ном. 2-æм октябры йын райгуырд, рагæй кæмæ бæллыди, уыцы чызг. Арæндонæй куы рацыд, уæд ыл æхсызгонæй дидинджытимæ сæмбæлыдысты йæ хиуæттæ æмæ хæстæджытæ. Фæлæ ноггуырд Амелия ныридæгæн дæр æхсызгон лæвæрттæ райста Цæгат Ирыстоны Сæргълæууæджы номæй.
Челæхсаты Виктория та дыккаг хатт сси ныййарæг. Йæ ноггуырд чызгмæ йæм хæдзары æнхъæлмæ кæсы дыууæаздзыд хистæр хо. Виктория куыд зæгъы, афтæмæй паддзахадæй æххуыс у тынг хъæугæ æмæ ахадгæ.
Ацы азы райдианæй нæ республикæйы алы ноггуырд дæр райсы æхсызгон лæвæрттæ Сергей Меняйлойы номæй. Сæрмагонд лæвæртты вæййынц ноггуырдтæн уæлæдарæсы комплекттæ стæй гигиенæйы фæрæзтæ. Ныййарджытæ зæгъынц – ацы æххуыс сын у тынг ахадгæ. 2023-æм азæй фæстæмæ та Уæрæсейы ныффидар кæндзысты ныййарджытæн æмæ сæ сабитæн æххуысы ног мадзæлттæ.
Æдæппæтæй Цæгат Ирыстоны афæдзы райдианæй райгуырд 5 мин сабийы. Æмæ сæ алчидæр райста йæ лæвар регионы сæргълæууæджы номæй.
