Баст у, Кавказ суæгъд кæныны тохы 80 азы бонмæ
Цæгат Ирыстоны паддзахадон университеты байгом историон-документалон равдыст. Баст у, Кавказ суæгъд кæныны тохы 80 азы бонмæ. Уый уыд Фыдыбæстæйы Стыр хæсты æппæтæй дæргъвæтиндæр æфсæддон операцитæй иу. Экспозицийы æрæмбырд кодтой историон документтæ æмæ хуызистытæ. Уым фенæн ис стыр тохы сæйрагдæр къæпхæнтæ. Равдыст фенынмæ æрбацыдысты студенттæ, Алайнаг гимназы ахуырдзаутæ, ветеранты Советы сæрдар Фриаты Хъазыбег, Æхсæнадон палатæйы сæрдар Нина Чиплакова æмæ æндæр кадджын уазджытæ. Экспозици саразыныл бакуыстой историон æмæ журналистикæйы факультетты декантæ. Куыд радзырдтой, афтæмæй равдысты сæйраг нысан у фæсивæды патриотон хъомыладыл кусын, райгуырæн бæстæ сын уарзын кæнын, æмæ сæм нæ бæстæйы историмæ цымыдисдзинад гуырын кæнын. Экспозици фенæн уыдзæн æндæр ахуыргæнæндæтты дæр.
