Сæрмагондæй Цæгат Кавказы федералон зылды алы субъекттæн
Цæгат Ирыстоны фыццаг хатт арæзт æрцыд бизнес-тур социалон амалхъом адæмæн. Сæрмагондæй Цæгат Кавказы федералон зылды алы субъекттæн. Æппæтуæрæсеон конкурс «Хуыздæр социалон проект»-ы регионалон къæпхæнты 15 уæлахиздзауы æмæ финалисты ссыдысты Дзæуджыхъæумæ, цæмæй радзурой сæ фæлтæрддзинады тыххæй, æмæ базонгæ уой нæ республикæйы зæрдылдарæн бынæттимæ. Бизнес-туры архайджытæн бацæттæ кодтой хъæздыг культурон æмæ ахуырадон программæ.
Зухра Токова у функционалон диагностикæйы дохтыр æмæ Хъæрæсе – Черкесийы сывæллæтты райрæзты центры разамонæг. Сси конкурс «Хуыздæр социалон проект» – ы регионалон къæпхæны уæлахиздзау. Цæгат Ирыстонмæ Зухра ссыди фыццаг хатт социалон амалхъом адæмы бизнес – туры руаджы.
15 хуыздæр социалон проекты хицæуттæн бацæттæ кодтой культурон æмæ ахуырадон программæ. 3 боны дæргъы зонгæ кодтой Ирыстоны культурон бынтимæ, сæ зонындзинæдтæй дих кодтой се мкусджытимæ. Республикæйы уазджытæ уыдысты сывæллæтты психологи æмæ дзырды райрæзты центры. Центр 4 азы размæ бакодта дохтыр Хъороты Хетæг. Алы бон дзы фæахуыр кæнынц 50 сывæллоны.
Республикæйы фыццаг хатт ацыд бизнез – тур социалон амалхъом адæмæн Цæгат Кавказы федералон зылды алы регионтæй. Дзæуджыхъæумæ ссыдысты æппæтуæрæсеон конкурс «Хуыздæр социалон проект» – ы регионалон къæпхæнты уæлахиздзаутæ. Программæ рацыд ацы аз, Цæгат Ирыстон та дзы бацархайдта мадзал саразыны фæлварæн регионы хуызы. Сæйраг хъуыды у амалхъом адæмы хсæн бастдзинад фидардæр кæнын.
Мадзал саразæг у социалон амалхъом адæмы райрæзты центр. Æххуыс ын кодта организаци «Россия – страна возможностей». Уымæй уæлдай ма проект саразыныл бацархайдтой Уæрæсейы экономикон райрæзты министрад æмæ регионалон центртæ «Мой бизнес».
