филиал вгтрк государственная телерадиовещательная компания “Алания”

Дзæуджыхъæуы арæзт æрцыд рæнхъытæй раст цæуыны æмæ æфсæддон зарæджы æркасты республикон къæпхæн. Конкурсы архайдтой 100 кадеты æмæ æвзонг æфсæддоны онг. Се ппæт дæр сты муниципалон къæпхæнты уæлахиздзаутæ æмæ призертæ. Аргъ та сын кодтой бæрнон жюрийы уæнгтæ. Се хсæн уыдысты Хæстон æфсымæрады æмæ десантникты Цæдисы минæвæрттæ, стæй æндæр кадджын уазджытæ. Фыццаджыдæр кастысты фæсивæды спортивон цæттæдзинадмæ, се ддаг бакастмæ, дисциплинæмæ, стæй зарынмæ куыд арæхсынц, иу командæйы куыд архайынц æмæ рæнхъытæй раст цæуын куыд зонынц, уымæ. Ахæм мадзæлттæ тынг ахсджиаг сты фæсивæды патриотон хъомыладæн.