Адæмон фронты республикон командæйæн æппынæдзухдæр ис дæлхайæдты командæгæнджытимæ бастдзинад
Гуманитарон æххуысы радон парти ирыстойнаг æфсæддонтæн æмбырд кæнынц, Æппæтуæрæсеон акци «Все для победы» æххæст кæнгæйæ. Адæмон фронты республикон командæйæн æппынæдзухдæр ис дæлхайæдты командæгæнджытимæ бастдзинад. Уыдон сын фехъусын кæнынц, цух цæмæй æййафынц, уый тыххæй. Ацы хатт æрæмбырд кодтой, фыццаджыдæр цы хъæуы, уыцы дзаумæттæ, медикаменттæ, бирæ рæстæг чи нæ сæфы, ахæм хойраджы продукттæ æмæ нуазыны дон. Акцийы бацархайыны бон у алкæмæн дæр. Æфсæддонтæн баххуыс кæнæн ис æхцайы фæрæзтæй дæр. Уый тыххæй спайда кæнын хъæуы QR кодæй. Уый фæрцы æхца æрвитæн ис Цæгат Ирыстоны резервтæм. Уымæй дарддæр сæрмагонд пунктты æмбырд кæнынц хъарм уæлæдарæс, квадрокоптертæ æмæ æндæр хъæугæ фæрæзтæ, стæй фронты цы бахъæуа, уыдон. Гуманитарон æххуыс арвитдзысты ацы къуыри.
