Уæвгæ, ахæм сывæллæтты æмæ ныййарджыты иугонд кусы 5 азæй фылдæр
Йе нæниздзинад хъыгдард кæмæн у, ахæм сывæллæттæн æмæ хистæр кары адæмæн Мæздæджы байгом кодтой сæрмагонд центр. Уæвгæ, ахæм сывæллæтты æмæ ныййарджыты иугонд кусы 5 азæй фылдæр. Лæппутæ æмæ чызджытæ кæнынц сфæлдыстадон куыст æмæ архайынц волонтерты змæлды. Афтæмæй сæ вæрæн хæссынц районы æмæ горæты æхсæнадон цардмæ. Фæлæ сын иумæйаг сфæлдыстадон архайдæн сæхи бынат ныры онг нæ уыди. Экономикæйы æмæ барады академи сын ацы фарста алыг кæнынæн баххуыс кодта æмæ сын радта бар сæ бæстыхайы уæвынæн. Уым байгом кодтой сæрмагонд центр. Сцалцæг кæнынæн æмæ уæттæ сифтонг кæнынæн та сын баххуыс кодтой се мбæлттæ Дзæуджыхъæуæй. Уыдон сты Уæрæсейы сывæллæтты фонд æмæ хæрзаудæн фондтæ «Быть добру» æмæ «Абсолют помощь». Центр байгом кæныны фæдыл арæзт æрцыд кадджын мадзал.
