филиал вгтрк государственная телерадиовещательная компания “Алания”

Нæ республикæйы райдыдта æфсадмæ сидыны фæззыгон кампани. Ацы аз райдыдта фæстæдæр, УФ-йы президент мобилизацийы тыххæй кæй фехъусын кодта, уымæ гæсгæ. Фыццаджыдæр сидынц, ахуыр чи фæци, уыцы кары фæсивæдмæ. Æфсæддон комиссарады куыд зæгъынц, афтæмæй сидтонты хыгъд зынгæ фæфылдæр. Арæхдæр вæййынц, уæлдæр ахуырад æмæ хорз спортивон цæттæдзинад кæмæ ис, ахæм адæм. Уыцы хыгъдмæ сæ бон бахауын у колледжты рауагъдонтæн дæр. Лæппутæ службæ кæндзысты национ гвардийы æфсæдты, хъахъхъæнынады министарды æмæ æнæнхъæлæджы уавæрты министрады дæлхайæдты. Уæрæсейы ног регионтæм æмæ сæрмагонд æфсæддон операцийы бынатмæ фæззыгон сиддонтæ æрвыст нæ уыдзысты.