Архайы æфсæддонтæн гуманитарон æххуыс æмбырд кæныныл æмæ æрвитыныл
Батальон «Алани»-йы æппæтæй æрыгондæр бархион Остъаты Рустамыл цæуы 17 азы. Фæлладуадзæн рæстæг скъоладзау уыд сæрмагонд æфсæддон операцийы зонæйы, ахуыры азы райдианмæ та æрыздæхт сæхимæ. Республикæйы дарддæр æххæст кæны ахсджиаг хъуыддаг. Архайы æфсæддонтæн гуманитарон æххуыс æмбырд кæныныл æмæ æрвитыныл. Йемæ иузæрдион сты йæ уарзон 38-æм скъолайы дæр. Бæлвырддæр хабæрттæ радзурдзæн Хъайтмазты Дзерассæ.
Номыл даргæ сахат республикæйы сæргълæууæгæй. Сергей Меняйло йæ дардта 35 азы. Æхсызгон лæвар – æппæты æрыгондæр æфсæддонæн. Остъаты Рустамыл 17 азы йедтæмæ нæ цæуы, фæлæ сси бархион. Араст сæрмагонд æфсæддон операцийы зонæмæ. Сахуыр кодта быдырон цардуавæр æмæ райста æфсæддон фæлтæрдзинад. Йæ ныхæстæм гæсгæ æндæрхуызон йæ бон нæ уыд. Ахæм дæнцæг ын ис – йæ фыд у батальон «Алани»-йы штабы хицау. Рустам æфсæддон операцийы зонæйы кæй ис, уый тыххæй скъолайы базыдтой социалон хызтæй. Ныр иумæ æрæмбырд кодтой æрвиттæгтæ хæстонтæн.
Скъоладзау æфсæддон зонæйы уыд сæрдыгон фæлладуадзæн рæстæг, ахуыры азы райдианмæ сæхимæ æрыздæхт. Фæлæ ам дарддæр æххæст кæны ахсджиаг куыст. 11-æмкъласоны хъæппæрисæй хæстонтæн æмбырд кæнынц æмæ æрвитынц гуманитарон æххуыс. Гигиенæйы фæрæзтæ, бинокльтæ, стæй сывæллæттæй фыстæджытæ. Уый салдаттæн у ахсджиаг æххуыс.
Скъолайы лæппуйæ сæрыстыр сты. Йæ хъуыдытимæ разы сты, уымæ гæсгæ сфæнд кодтой скъоладзауты æппæтуæрæсеон змæлды акцийы бацархайын. Хуыйны «добрые письма». Фыстæджытæ бацæттæ кодтой æппæты кæстæр ахуырдзаутæ дæр. Скодтой ма лæвæрттæ сæхи къухтæй дæр. Се *ппæт дæр æнæмæнг бахæццæ уыдзысты хæстонтæм.
Гуманитарон æххуыс 38-æм скъолайæ фыццаг хатт не *рæмбырд кодтой. 19-æм дивизийы æрвиттæгтæ куы райсой, уæд сæ иумæйаг уаргъы хыгъды арвитдзысты сæрмагонд æфсæддон операцийы зонæмæ.
