Ис дзы, фыццаджыдæр, чи хъæуы, ахæм дзаумæттæ æмæ техникæ
Фонд «Сердце Виктории» сæрмагонд æфсæддон операцийы зонæмæ радон хатт арвыста гуманитарон æххуыс. Ис дзы, фыццаджыдæр, чи хъæуы, ахæм дзаумæттæ æмæ техникæ. Гуманитарон уаргъ аласта медицинон ротæйы командæгæнæг, æфсæддон хирург Битарты Артур. Йе *мхæстонтимæ æрвылбон архайы, сæрмагонд операцийы цæфтæ чи райсы, уыдонæн баххуыс кæныныл. Гуманитарон уаргъ арвитыны агъоммæ не сфæлдыстадон къорд фембæлд хæрзаудæн фонды минæвæрттимæ æмæ Битарты Артуримæ. Бæлвырддæр радзурдзæн Хъайтмазты Дзерассæ.
Хъарм уæлæдарæс, берцтæ, хъæццултæ. Дæсгай хызынтæ гуманитарон æххуысимæ цæттæ сты æрвитынмæ. Адайты Верæ гуманитарон уаргътæ æмбырд кæныны куыст кæны апрелы райдианæй. Фыццаджыдæр, чи хъæуы, уыцы дзаумæттæй фæстæмæ ма æрвиты, æфсæддонтæ кæмæ æнъæлмæ кæсынц, ахæм техникæ.
Иуæй-иу æрвиттæгтæ сты бæлвырд адæмæн. Мобилизацигондты хæстæджытæ курынц, алы ахоссæгтæм гæсгæ сæ бон семæ цы дзауматæ райсын нæ бацис, уыдон сæм фæхæццæ кæнын. Гуманитарон уаргътæ æрвитынц Донбассмæ æмæ Запорожьемæ. Бирæ къоппытæ æмæ хызынтæ хъæуы къæсæрты раз уадзын. Бынат нæ фаг кæны. Фондæн нæй, уаргътæ кæм æмбырд кæной, ахæм агъуыст.
Уаргъ ласдзæн медицинон ротæйы командæгæнæг, капитан Битарты Артур. Æфсæддон хирург сæрмагонд операцийы фыццаг бонтæй æххуыс кæны йе *мхæстонтæн. Архайы сæ, сæ къæхтыл цыбыр рæстæгмæ слæууын кæныныл. Куыд зæгъы, афтæмæй, æфсæддонты ныфс нæ сæтты, сæхиуыл хæцынц, цæмæй чи фæцæф, уыдонæн баххуыс кæной.
Битарты Артур иннæ æфсæддон дохтыртимæ рахæссы цæф салдæтты æхстыты бынæй йæхи цард не вгъаугæнгæйæ, кæны зын операцитæ фронты линийы. Сентябры кæрон Артур йе *мхæстонтимæ бахауд минæты быдырмæ. Хъыгдардбаййафæг саперы фельдшеримæ хастой цалдæр сæдæ метры. Бантыст сын, йæ цард аирвæзын кæнын.
Битарты Артуры ротæ цæттæ кæны фæзтæ мобилон быдырон госпиталæн. Хатгай бацахсынц зæронд рынчындонты æмæ скъолаты бæстыхæйттæ. Хостæ фаг кæны гуманитарон æххуысы фæрцы. Республикæйы алы цæрæгæн дæр йæ бон у йе ххуысы хай бахæссын. Уый тыххæй хъæуы фонд «Сердце Виктории»-мæ фæсидын.
Гуманитарон æххуыс салдæттæн æмæ афицертæн у, сæхимæ сыл кæй аудынц æмæ сæм кæй æнхъæлмæ кæсынц, уый нысан.
