Дзæуджыхъæуккаг культурæйы колледжы æхсызгонæй сæмбæлдысты æппæтадæмон фестиваль «Национальная коллекция»-йы республикæйæ чи архайдта, уыцы студенттыл
Ирон фæндыры зæлтæ фыццаг хатт азæлыдысты Санкт-Петербурджы филармонийы сценæйæ. Дзæуджыхъæуккаг культурæйы колледжы æхсызгонæй сæмбæлдысты æппæтадæмон фестиваль «Национальная коллекция»-йы республикæйæ чи архайдта, уыцы студенттыл. Сценæмæ рацыдысты национ инструментты æппæтуæрæсеон фæсивæдон оркестры хыгъды. Байхъуыстыты хатдзæгтæм гæсгæ, къордмæ бацыдысты 80 музыканты. Уыдысты Уæрæсейы 25 регионæй, Белоруссийæ æмæ Монголийæ. Сæ кармæ гæсгæ 17-æй 27 азы онг. Уникалон музыкалон къорд ацагъдта дунеон классикты æмæ нырыккон авторты уацмыстæ. Фæсивæд тынг бацин кодтой, ахæм егъау музыкалон мадзалы бацархайын сæ бон кæй баци, ууыл.
