филиал вгтрк государственная телерадиовещательная компания “Алания”

Мæздæджы районы сараздзысты æвзонг æфсæддонты отрядты рейтинг. Специалисттæ рæзгæ фæлтæры цæттæдзинад бæрæг кæндзысты алыхуызон критеритæм гæсгæ. Æвзонг æфсæддонтæ æдзух фæархайынц районы æмæ республикæйы мадзæлтты. Арæх сæхи хъæппæрисæй арæзт æрцæуынц патриотон темæимæ баст акцитæ. Ис сæм тырнындзинад спортивон дисциплинæтæм дæр. Дугъ, гæппытæ, хи ивазын, æфсæддон хъæбысхæсты цалдæр хуызы – спортивон клубтæм æмæ секцитæм цæугæйæ, алы тренировкæимæ сæ цæттæдзинад бæрзонддæр кæны. Сфидар æй кæнынц районы ерысты. Уыдон сын сæрмагондæй саразынц Мæздæджы районы администрацийы спорты æмæ фæсивæды хъуыддæгты фæдыл хайады кусджытæ.