Федтой, цалдæр хæдзары аивгæнæн куыстытæ куыд æххæстгонд æрцыдысты, уый
Адæмон фронты эксперттæ Весеннийы уынджы бирæуæладзыгон хæдзæртты кæртыты сарæзтой мониторинг. Федтой, цалдæр хæдзары аивгæнæн куыстытæ куыд æххæстгонд æрцыдысты, уый. Уыцы адристæ бабæрæг кодтой, цæрджытæ сæм сæ хъаст куы бахастой, уый фæстæ. Куыд рабæрæг, афтæмæй адæм хуымæтæджы нæ тыхсынц. Бирæ цæмæйдæрты разыйæ нæ баззадысты. Уымæн æмæ куыстытæ æмбæлгæ уагыл конд не рцыдысты. Бæлвырддæр хабæрттæ радзурдзæн Хъайтмазты Дзерассæ.
Весеннийы уынджы 13-æм хæдзары цæрджытæ цалдæр азы æнхъæлмæ кастысты, сæ кæртмæ сын цæмæй базилой, уымæ. Фæндаг дзы ахæм уавæры уыдис, æмæ йыл зын цæуын уыд машинæтæн дæр æмæ адæмæн дæр. Сентябры цалцæггæнæн куыстытæ райдыдтой – систой асфальт, фæлæ ууыл хъуыддаг ныллæууыд, зæгъынц цæрджытæ.
Хæдзары цæрджытæ сæ хъаст бахастой адæмон фронтмæ. Эксперттæ зæгъынц, арæх аивгæнæн куыстыты рæстæг адæмы фæхъæуы иугыццыл бабыхсын, уавæртæ æнцон кæй нæ вæййынц, уымæ гæсгæ. Фæлæ ацы хатт фиппаинæгтæ æрхастой кусджыты архайдмæ. Тагъд зымæг æрлæудзæн, æмæ подрядон организацийы бахъæудзæн асфальт миты æмæ къæвдайы æвæрын.
Весеннийы уынджы 7-æм хæдзары 1-æм корпусы кæртмæ та базылдысты фæззæджы. Фæлæ куыстытæй адæмы зæрдæ нæ барухс – кæрты иу хайы асфальт афтæ дæр нæ сæвæрдтой, арæзтадон æрмæджытæ баззадысты газоныл, къæвдаты фæстæ та дон уæлæуыл баззайы.
Адæмон фронты эксперттæ разы сты – куыстыты хъæрзхъæддзинад домæнтæн дзуапп кæй нæ дæтты, уыимæ. Подъездты раз бандæттæн сæ иу хай баивтой, коляскæтæн скодтой æрмæстдæр иу æрхизæн – уый дæр цæрджыты фæндонмæ гæсгæ.
Гæлиты Клим – Адæмон фронты регионалон æххæстгæнæн комитеты разамонæг Республикæ Цæгат Ирыстон-Аланийы: 18.22. «К нам поступили жалобы на некачественный асфальт, на то, что не учитывалось мнение граждан при выполнении работ по благоустройству. Посмотрели сами, поняли, что жалобы не безосновательны, асфальт уложен местами, не предусмотрены пандусы, местами асфальт, который только положили, уже крошится, не доложены бордюры, где-то уже шатаются и отходят, и во всех дворах мы увидели кучи строительного мусора, которые остались после благоустройства. 19.22. хотелось бы обратить внимание городских властей, чтоб усилили контроль над теми подрядчиками, которые выполняют работы по благоустройству дворов и общественных пространств».
Æдæппæтæй программæ «Формирование комфортной городской среды»-мæ гæсгæ ацы аз фæнд кæнынц 65 кæрты территоримæ базилын.
