Нытрæккæ æмбырд кæнынц хъарм дзаумæттæ
Проект «Все для победы» æххæстгæнгæйæ Адæмон фронты минæвæрттæ дарддæр æрвитынц хъæугæ дзаумæттæ сæрмагонд æфсæддон операцийы зонæмæ. Нытрæккæ æмбырд кæнынц хъарм дзаумæттæ. Акцимæ йе ххуысы хай у алкæйы бон дæр бахæссын. Уый тыххæй хъæуы адæмон фронты регионалон æххæстгæнæн комитетмæ фæсидын. Бæлвырддæр хабæрттæ радзурдзæн Хъайтмазты Дзерассæ.
Дзабырты хуылфы къуымбил æвæрæнтæ – 3 мин экземпляры. Уæлдай ахсджиаг ацы дзауматæ сæрмагонд æфсæддон операцийы архайджытæн сты, зымæг кæй æрхæццæ кæны, уымæ гæсгæ. Æрвитæккаг сцæттæ кодтой амалхъом адæймаг Размик Медзерянц æмæ разамынд цы къордæн дæтты, уый. Размикы ныхæстæм гæсгæ, алчидæр хъуамæ йæ гæнæнтæм гæсгæ йе ххуысы хай бахæсса.
Ногиры цæрæг Хуыгаты Ульянæ сæрмагонд операцийы зонæмæ арвыста хъарм гобæттæ æмæ хъæццултæ. Ацы дзаумæттæ сылгоймагæн тынг зынаргъ сты. Джусойты Лалæ та æфсæддонтæн бацæттæ кодта мæнæргъыйæ, галæрыскъæфæй, къомсийæ æмæ балæй вареннæтæ.
Адæмон фронты проект «Все для победы» Цæгат Ирыстоны дарддæр æххæстгонд цæуы. Æхцайы фæрæзтæ арвитын кæнæ та хъæугæ дзаумæттæ æрбахæссын æхсæнадон змæлды æххæстгæнæн комитетмæ у алкæйы бон дæр.
Материалон æххуыс æрвыст æрцæудзæн 58-æм æфсады 19-æм мысанæхсæн дивизийы фæрцы.
