Уыцы хъæппæрис разынд парти «Иугонд Уæрæсе»-мæ
Нæ бæстæйы алы регионты арæзт æрцыд хæрзаудæн акци, сæрмагонд æфсæддон операцийы архайджыты бинонтæн баххуыс кæныны нысанимæ. Уыцы хъæппæрис разынд парти «Иугонд Уæрæсе»-мæ. Алы горæтты æмæ хъæуты цæрджытæ кæрæдзимæ арвыстой лæвæрттæ æмæ фæлмæн ныхæстимæ фыстæджытæ. Цæгат Ирыстонæй ахæм зæрдиаг лæвар ацыд Мурмæнскы облæстмæ. Бæлвырддæр хабæрттæ радзурдзæн нæ уацхæссæг Тъехты Элинæ.
Зæрдæбынæй Цæгат Ирыстонæй. Æппæтуæрæсен акцийы фæлгæты 50 хæдзарæн ракæндзысты зæрдиаг лæвæрттæ. Уыдзæн дзы цæхджынтæ, хæххон цай, адджинæгтæ æмæ ирон сувениртæ. Æфсæддонты бинонтæн æххуыс кæнын. Æхсызгон лæвæрттæ æмæ ног регионимæ базонгæ кæнын. Акцийы руаджы адæм æнкъарынц сæхи стыр бинонты хайæ. Парти «Иугонд Уæрæсе»-йы цæгатирыстойнаг хайады минæвæрттæ лæвæрттæ зæрдиагæй цæттæ кæнынц, цæмæй ирон адæмы уарзондзинадæй фæхай кæной, уый тыххæй.
Ирон сувениртæ арвыстой Кæройнаг Цæгатмæ. Лæвæрттæ æмæ фæлмæн ныхæстимæ фыстæджытæ райсдзысты Мурманскы облæсты мобилизацигонд адæмы бирæсывæллонджын æмæ фæкæсынхъуаг бинонтæ. Национ колорит – цæхдон, давæттæ æмæ аджикæ. Цæгатаг цæрджытæ фыццаг хатт ацаходдзысты ирон хойрæгтæй.
3 мин километры ацæугæйæ цымыдисаг лæвар бахæццæ йæ хицаумæ. 50 хæдзары банкъардтой Цæгат Ирыстонæй фæлмæндзинад. Парти «Иугонд Уæрæсе»-йы регионалон хайады лæвæрттæ радтой бирæсывæллонджын мадæлтæн дæр. Сæ цардæмбæлттæ сты æфсæддонтæ, сылгоймæгтæн та ис сæхи сæрмагонд куыст – схъомыл кæнын сывæллæтты æмæ сыл аудын.
Сæрмагонд æфсæддон операцимæ фыццаг чи ацыд, уыдоны хсæн уыд Оксана КапитОновайы цардæмбал дæр. Раздæр службæ кодта æфсæддон – денджызон флоты. Фæлæ йын граждайнаг карьерæ саразын нæ бантыст – ацыд Фыдыбæстæ хъахъхъæнынмæ.
Дзургæ арæх нæ фæкæны. Фæлæ йæ зонæм, сæрæгас æмæ æнæниз кæй у, уый.
Цæгат Ирыстойнаг æфсæддонты бинонтæн дæр æрæрвыстой лæвæрттæ Мурманскы æууæлтимæ. Саджы дзидза, кæсаг, вареннæтæ æмæ цымыдисаг кружкæ.
Мобилизацигонд адæмы бинонтæн лæвæрттæ аластой республикæйы æппæт районтæм.
Лæвæрттæ æмæ арфæимæ фыстæджытæ атахтысты æнæхъæн бæстæйыл. Уый та дзурæг у ууыл, æмæ регионты хсæн ис æнгом ахастдзинæдтæ.
