Бафæндыд сæ сæ къухты фарнæй фæхайджын кæнын, сæрмагонд æфсæддон операцийы чи архайы, уыцы лæппуты
Зæрдиаг æххуыс. Æрыдоны цæрæг сылгоймæгтæ лæвар кæнынц сæ уды хъарм æмæ сæ къухты фæллой. Бафæндыд сæ сæ къухты фарнæй фæхайджын кæнын, сæрмагонд æфсæддон операцийы чи архайы, уыцы лæппуты. Сбыдтой сын къуымбил цъындатæ. Хъæппæрисджын сылгоймæгтимæ фембæлд нæ сфæлдыстадон къорд.
Зæрæдæхæлар æнкъарæнтимæ Ирыстонæй. Лолаты Ритæ иннæ æрмдæснытимæ сфæнд кодтой, сæрмагонд операцийы цы æфсæддонтæ æрхайы, уыдонæн хъарм цъындатæ сбийын. Ритæйæн йæ хæстæг дæр уым ис, æмæ искæй ныхæстæй нæ зоны уавæр. Йæ зæрдæ риссы æпппæт лæппутыл дæр. Разæй сæм уазал рæстæг кæй æнхъæлмæ кæсы, уымæ гæсгæ та сæм сæ къухты хъармдзинад хæццæ кæнынц къуымбил цъындаты фæрцы. Лæппуты хсæн бирæтæ ис, Æрыдонæй кæмæ фæсидтысты мобилизацийы рæстæг, ахæмтæ.
Акци сæххæст кæнынæн сæрмагондæй балхæдтой æндæхтæ. Йæ миниуджытæм гæсгæ буар хуылыдз кæнын нæ уадзы – дон уайтагъд цъиры, стæй йæ хъармдзинад дæр у бæрзонд æмвæзадыл. Хæдзары хъармдзинады нысан банкъарын – ныртæккæ уый у тынг æхсызгон хæстонтæн. Уый æмбаргæйæ сылгоймæгтæ, æнæзивæгæй, сæ арæхстдзинадæй пайда кæнгæйæ архайынц æфсæддонты зæрдæтæ бахъæлдзæг кæныныл, се рхъуыдыдзинадæй. Куыд федтам, афтæмæй клуб «Золотой возраст»-ы уæнгтæ сæ рæстæг пайдаимæ рвитынæн агурынц гæнæнтæ æмæ нысантæ. Сæ алы хъуыддаджы дæр бавæрынц сæ уды хъармдзинад.
Къуымбил цъындатæ æрвыст æрцæудзысты, Æрыдоны цæрджытæ цы гуманитарон æххуыс æмбырд кæнынц, уыимæ.
