хъомыл сывæллæтты хæдзар «Ласка»-йы
Хæлар зæрдæйы хицау æмæ бæллицтæ æххæстгæнæг. Цæгат Ирыстоны цæрæг Валентина Ивановайы фæнды йæ бинонты ссарын. Схъомыл сывæллæтты хæдзар «Ласка»-йы. 35 азы йыл куы сæххæст, уæд ын фæзынд аудæг – Цогойты Надеждæ. Сылгоймаг ын æххуыс кæны йæ алы куысты дæр. Валентинæ арæх фæкæсы равдыст «Жди меня»-мæ. Йæ зæрдæ дары, тагъд рæстæджы йæ бинонты кæй ссардзæн, ууыл.
Адæймаджы фæлмæн зæрдæ кæддæриддæр æххуыс кодта, йæ алыварс чи ис, уыдонæн. Ахæм зæрдæйы хицау у Цогойты Надеждæ. 12 азы уыд социалон кусæг. Йæ куысты руаджы базонгæ Валентина Иванова æмæ Константин Мельникимæ. Уыдон уыдысты сывæлæтты хæдзар «Ласка»-йы. Валентина райгуырд Краснодары. Йæ райгуырды фæстæ йæ æрластой Цæгат Ирыстонмæ.
Надеждæйæн йæхицæн ис 4 сывæллоны. Фæлæ Валентинæйы бауарзта сæ фыццаг фембæлдæй фæстæмæ, æмæ йыл райдыдта аудын. Цæмæй Константинимæ ма фæхицæн уой, уый тыххæй нæлгоймагæн дæр сси дзуапдæттæг. Кæд Надеждæйæн йæ цард аивта, уæддæр сæрыстыр у, ахæм тых æм кæй разынд, уымæй. Уымæн æмæ алкæмæ уыйас ныфс нæ вæййы.
Валентинæйæн ис уæззау хъысмæт. 13 азы размæ йæ машинæ скъуырдта, æмæ йæ уæраджы æрхæг хъыгдард баййæфта. Уыцы цауты рæстæг ын райгуырд сывæллон, фæлæ бахаудта сидзæр сывæллæтты хæдзармæ. Ныр ын ис ног бинонтæ. Уыцы уæззаудзинад нæ хынцгæйæ Валентинæ у цардуарзаг адæймаг.
Хæдзары куыстытæй уæлдай ма Валентинæ къухæй дæр у дæсны. Уарзы хуыйын æмæ бисеримæ архайын.
Цалынмæ Валентинæ лыстæг куыстытæ фæкæны, уæдмæ Константин дæр æнцад нæ фæбады.
Се нæниздзинад хъыгдард кæмæн у, уыдонæн денджызы цæхджын дон пайда у. Уымæ гæсгæ сæ Надеждæ акодта сæхи ирхæфсынмæ. Валентинæйы сæйраг бæллиц у – йæ мады ссарын. Арæх фæкæсы телеравдыст «Жди меня»-мæ.
Ныр Ирыстоны адæм бæрæг кæнынц сæ кадджындæр бæрæгбæттæй иу – Джеоргуыба. Надеждæ сын скодта æртæ чъирийы, æрцæттæ кодта фынг. Уырны сæ, ахæм ахсджиаг бæрæгбоны сæ бæллиц кæй сæххæст уыдзæн, уый.
Адæймаджы ныфс никуы асæтты. Афтæ Валентинæйæн дæр – йæ бинонты кæй ссардзæн, уыцы ныфс у æнæфæцудгæ.
