Афтæ Горæтгæрон районы цæрæг Æлборты бинонтæ нымад æрцыдысты хуыздæртыл номинаци «Сызгъæрин бинонты»-йы регионалон къæпхæны
Цæгат Ирыстоны фæллойы æмæ социалон рæзты министрады схорзæхджын кодтой æппæтуæрæсеон конкурс «Афæдзы бинонты»-ы уæлахиздзауты. Афтæ Горæтгæрон районы цæрæг Æлборты бинонтæ нымад æрцыдысты хуыздæртыл номинаци «Сызгъæрин бинонты»-йы регионалон къæпхæны. Ныр бирæ азты дæргъы цæстыгагуыйау хъахъхъæнынц ирон адæмы æгъдæуттæ æмæ бинонты традицитæ. Рахизфарсы районы цæрæг Бутенкоты бинонтæ та систы уæлахиздзаутæ номинаци «Хъæуккаг бинонты» регионалон къæпхæны. Уыдон хъомыл кæнынц 8 сывæллоны, æмæ ма активонæй кæнынц мыды куыст дæр. Æрыдоны районы минæвæрттæ Хъесаты бинонтæ та нымад æрцыдысты Уæрæсейы æппæты хуыздæр æрыгон бинонтыл. Уæ зæрдыл уын æрлæууын кæндзыстæм, ацы конкурс арæзт цæуы 7-æм хатт. Йæ сæйраг нысан у бинонты хæзнатæ хъахъхъæнын æмæ ныййарджыты кад уæлдæр кæнын.
