Уæлахиздзаутæ систы Хæххон металлургон техникумы студенттæ
Дзæуджыхъæуы кæронмæ æрхæццæ тагъд æххуыс ракæныны фыццаг регионалон чемпионат студентты æмæ скъоладзауты хсæн. Уæлахиздзаутæ систы Хæххон металлургон техникумы студенттæ. Бацæттæ сæ кодта ахуыргæнæг Хуыбаты Арсен. Ерысты программæйы уыдысты куыд теоретикон, афтæ практикон хæслæвæрдтæ дæр. Командæтæ алы уавæрты æххуыс кодтой хъыгдардбаййафджытæн, уыимæ кодтой куыд медицинон, афтæ психологон æххуыс дæр. Фæсивæд сæхи хорз равдыстой зæрдæ æмæ рæуджыты реанимацийы, туг æрлæууын кæныны æмæ æндæр æнæнхъæлæджы уавæрты. Уымæй уæлдай хорз зонынц командæйы кусын. Техникумы ахуырдзаутæ иттæг хорз сæххæст кодтой тесты хæслæвæрдтæ дæр. Чемпионат сарæзтой Сырх Дзуары Цæгат Ирыстойнаг хайады æххуысæй.
