Се *хсæн – портал «Госуслуги»-йы уылты цы паддзахадон лæггæдтæ райсæн ис, уыдоны номхыгъд парахатдæр кæныны тыххæй уынаффæ
Декабры сæ тыхы бацыдысты ног закъæттæ. Се *хсæн – портал «Госуслуги»-йы уылты цы паддзахадон лæггæдтæ райсæн ис, уыдоны номхыгъд парахатдæр кæныны тыххæй уынаффæ. Уырдæм хауынц, сывæллæттæн фиддонтæ, машинæты техникон æркаст, æнæзмæлгæ мулкы бартæ регистраци кæнын, лицензитæ æмæ бардæттæг гæххæттытæ исын. Онлайн хуызы уыдзæн хъалонфидæн хыгъды слæууын. 1-æм декабрæй фæстæмæ паддзахадон, бынæттон хиуынаффæйады оргæнтæ æмæ сæ бæрны цы организацитæ ис, уыдонæн хъуамæ æнæмæнг социалон хызты уа хи сыфтæ. Уый фæрцы уыдзæн, ацы кусæнуатты архайды тыххæй æнæдызæрдыг информаци исын, стæй паддзахадон оргæнты æмæ адæмы хсæн бастдзинад æнгомдæр кæнын. Ивддзинæдтæ фæзындзысты фæсарæйнаг агентты реестрыл дæр. Ныр суыдзæн иумæйаг. Уыимæ фæсарæйнаг агенттæн нæ уыдзæн, æнахъом сывæллæттимæ ахуырадон æмæ рухстауæн архайд кæныны, стæй рæзгæ фæлтæрæн информацион продукци цæттæ кæныны бар. Ногдзинæдтæ уыдзæн чысыл бизнесæн æххуысы хъуыддаджы дæр. Паддзахадон æххуыс исгæйæ, чысыл хæлдтытæ куы рабæрæг уа, уæд организацитæн гæнæн ис ахæм æххуыс райсын афæлварын афæдзы фæстæ. Фæхуыздæр уыдзæн медицинон лæггæдтæ исыны системæ дæр. Ныр, медицинон æххуыс бацагургæйæ, гæнæн уыдзæн æнæмæнг медицинон фæдзæхстады полисы бæсты равдисын паспорт.
