Дыууæуæладзыгон бæстыхайы уылты афæдзмæ цæудзæн милуан æмæ 500 бæлццоны онг
Дзæуджыхъуы аэропорты байгом кодтой ног аэрокомплекс. Дыууæуæладзыгон бæстыхайы уылты афæдзмæ цæудзæн милуан æмæ 500 бæлццоны онг. Уый, раздæримæ абаргæйæ, у дыууæ хатты фылдæр. Авиабæлццæттæн арæзт æрцыдысты æнцонвадат уавæртæ. Се ппæт дæр дзуапп дæттынц нырыккон домæнтæн. Телескопикон трапыл гæнæн уыдзæн хæдтæхæгмæ терминалæй ахизæн, æмæ фæстæмæ дæр. Ног бæстыхайы ис 6 лифты, эскалатор, уæзæгтæ бæрæггæнæн системæ, æдасдзинады кусæнгæрзтæ. Арæзтадон куыстытæ цыдысты 2 азы. Инвестициты бæрц уыд 2 миллиарды æмæ 200 милуан сомы. Ныртæккæ кусæнгæрзтæн аразынц тестытæ. Эксплуатацийы сæ раттынмæ хъавныц 2023-æм азы фыццаг кварталы. Аэропорты зæронд бæстыхайы та скæндзысты рацарæзт. Уым лæггад кæндзысты æппæтадæмон рейсыты бæлццæттæн.
