Ацы бонты кусæг балцы ис нæ республикæйы
Цæгат Ирыстоны Сæргълæууæг Сергей Меняйлойæн кусæг фембæлд уыд Сомихы Республикæйы генералон консул Ростовы Левон Минасянимæ. Ацы бонты кусæг балцы ис нæ республикæйы. Делегацийы хыгъды ма сты Сомихы минæварады генералон консулы фыццаг секретарь Хуссар æмæ Цæгат Кавказы федералон зылдты Давид Гамбарян стæй таможняйы атташе Уæрæсейы Ваган Акобян. Уазджытæн арфæ ракæнгæйæ, Сергей Меняйло се ппæты зæрдыл дæр æрлæууын кодта нæ адæмы рагон, историон, культурон, экономикон æмæ хæлар ахастдзинæдты тыххæй. – Нæ бирææнусон историйы сомихæгты диаспорæ нымад у фыццæгтæй иуыл Ирыстоны зæххыл. Æмæ ныры онг дæр у егъаудæртæй иу. Уæрæсейы Президент стыр æргом здахы регионалон æмæ æппæтадæмон æмгуыстадмæ. Диаспорæтæ та адæмты бæттынц кæрæдзиуыл. Нæхи рдыгæй мæ бон зæгъын у уый, æмæ дарддæр дæр архайдзыстæм нæ паддзахадты хсæн дыууæвæрсыг æмгуыстад парахат кæныныл, – бахынца регионы разамонæг. Генералон консул дæр загъта бузныджы ныхæстæ. Уæлдайдæр та Уæллаг Ларсы уадзæн пункты куысты тыххæй. Фембæлды ма ныхас цыд Дзæуджыхъæуы Сомихы Республикæйы консулад байгом кæныны хъæппæрисыл.
