Баххуыс ын кодтой Адæмон фронты фæсивæдон къорды волонтертæ
Уæрæсейы Хъæбатыр Юрий Нестеренкойы мад уæрæсейаг æфсæддонтæн балхæдта рацитæ. Баххуыс ын кодтой Адæмон фронты фæсивæдон къорды волонтертæ. Ныридæгæн сын фембæлд уыд Хъалæгаты Гаянæимæ. Уый у батальон «Алани»-йы медик, æмæ иунæг сылгоймаг Ирыстонæй, сæрмагонд æфсæддон операцийы чи архайы, ахæм. Рацитæ йæхæдæг бахаста æфсæддонтæн. Бархионтимæ ныхас кæнгæйæ, Валентина Нестеренко радзырдта йæ фырты тыххæй. Куыд ма загъта, афтæмæй зæрдиагæй тыхсы алы æфсæддоныл дæр, куыд хионыл. Уæрæсейы Хъæбатыры ном Юрий Нестеренкойæн лæгдзинады æмæ хъæбатырдзинады тыххæй лæвæрд æрцыд йæ амæлæты фæстæ. Уый уыд Цæцæны хæстон цауты рæстæг 1995-æм азы. Ныгæд æрцыд Дзæуджыхъæуы Сырхгвардион парчы Намысы Аллеяйы.
