филиал вгтрк государственная телерадиовещательная компания “Алания”

Мæскуыйы райдыдта сывæллæтты æмæ фæсивæды уæрæсейаг змæлды фыццаг съезд. Архайы дзы Цæгат Ирыстоны делегаци дæр. Йæ хыгъды сты – æхсæнадон организациты активисттæ, конкурс «Большая перемена»-йы архайджытæ, стæй Уæрæсейы фæсивæды цæдисы уæнгтæ.  Уæвгæ та съездмæ хуынд æрцыдысты нæ бæстæйы æппæт регионты минæвæрттæ, æдæппæтæй 3000 адæймаджы онг. Ныхас цæудзæн алывæрсыг темæтыл – наукæ æмæ технологитæ, культурæ, аивад, æнæниз цардыуаг, волонтерты змæлд, медиа æмæ коммуникацитæ. Уæрæсейы æппæт сывæллæтты баиу кæнын, сæ фæндтæ царды рауадзынæн æмбæлгæ уавæртæ саразын, иу дзырдæй – сæ ахсджиагдæр бæллицтæ сæххæст кæнынæн баххуыс кæнын у ацы змæлды сæйраг нысан. Арæзт æрцыд ацы аз.