Хъазт ацыд дыууæ къæпхæнæй
Милдзыхты Вячеслав мэры Кубок радта хъæлдзæг æмæ цыргъзондты клубы юниорты лигæйы хуыздæр командæйæн. Хъазт ацыд дыууæ къæпхæнæй. Фыццаг хайы хуыздæр КВНщикы ном райсыныл архайдтой Дзæуджыхъæуы юниор-лигæйы æппæты æвзонгдæртæ, республикæйы 6 скъолайæ. Дыккаг хайы та мэры кубок рамбулыныл ерыс кодтой фæлтæрдджындæр командæтæ Хуссар æмæ Цæгат Кавказы федералон зылдтæй. Сты проект «Детский КВН на Первом канале»-йы архайджытæ Ростовæй, Махачкалайæ, Краснодарæй, Пятигорскæй стæй Дзæуджыхъæуы иугонд командæ. Фыццаг блокы хуыздæрыл нымад æрцыд командæ КВН «Чебуреки» 11-æм скъолайæ. Дзæуджыхъæуы администрацийы сæргълæууæджы кубок та рамбылдтой Пятигорскæй уазджытæ. Милдзыхты Вячеслав раарфæ кодта лæппутæн æмæ чызджытæн, стæй загъта – ацы хъæлдзæг изæрæй рæсугъд æнкъарæнтæ кæй райста, уый.
