Объект бабæрæг кодта республикæйы сæргълæууæг Сергей Меняйло
Дзæуджыхъæуы цалцæджы фæстæ байгом Центрон паркмæ бацæуæн Горькийы уынджы рдыгæй. Объект бабæрæг кодта республикæйы сæргълæууæг Сергей Меняйло. Паркмæ базылдысты федералон программæ «Горæты æнцонвадат архайд», стæй национ проект «Цæрæнуæттæм» гæсгæ. Реконструкцийы проект цæттæгæнгæйæ, сæйраг хæс уыд æхсæнадон зонæ сног кæнын йæ историон æддаг бакаст бахъахъхъæнгæйæ. Сергей Меняйло аргъ скодта куыстыты хæрзхъæддзинадæн. Æххæстгонд цыдысты 2 къæпхæнæй. Паркмæ 3 бацæуæнмæ базылдысты. Зæронд хæдзарадон кæрт хæлд æрцыд. Йæ бынаты доны хъазтæн скодтой бассейн, стæй зымæг кæм арвитой, ахæм чысыл хæдзар. Сарæзтой ног къахвæндæгтæ, сæвæрдтой бандæттæ, ныссагъдтой 100 бæласæй фылдæр. Реставрацигонд æрцыдысты скульптурæтæ, сног кодтой къæсæртæ. Фæфылдæр кодтой газонты фæзуат. Республикæйы сæргълæууæгæн ма радзырдтой, паркмæ дарддæр базилыны фæндты тыххæй.
