Республикæйы слестгæнæг комитет куыд хъусын кæны афтæмæй уголовон хъуыддаг сарæзтой управленийы разамонæджы хæдивæг æмæ хайады сæрдарыл
Республикæйы хъалонты службæйы дыууæ кусæгыл фæдызæрдыг сты егъау гæртам райсынæй. Республикæйы слестгæнæг комитет куыд хъусын кæны афтæмæй уголовон хъуыддаг сарæзтой управленийы разамонæджы хæдивæг æмæ хайады сæрдарыл. Слестгæнджыты хъуыдымæ гæсгæ, аххосджынтæ цалдæр хатты амалхъом адæймæгтæй домдтой гæртам, цæмæй сæ закъоны бындурыл ма бафхæрой, уый тыххæй. 27-æм декабры сылгоймаг управленийы разамонæджы хæдивæгæн радта 2 милуан сомы. Уыцы рæстæг сæ уæлхъус алæууыдысты федералон æдасдзинады службæйы, слестгæнæг комитеты æмæ мидхъуыддæгты министрады кусджытæ. Ныртæккæ аххосджынтæй иу у ахст, иннæ та бамбæхст æмæ йæ агурынц федералон æмвæзадыл.
