Йе мбæлттимæ парахат кæны чингуытæй æмæ зарджытæй ист цитатæтæ
Адæймаджы удыл чи æндзæвы, ахæм хъуыдытæ. Ис сын æгæрон тых æмæ арф мидис. Ахæм фыстытæ нырæй фæстæмæ фенæн ис Дзæуджыхъæуы уынгтыл атезгъо кæнгæйæ. Цæгат Ирыстоны паддзахадон унивесритеты журналистикæйы факультеты студенткæ Зæнджиаты Валерия рæсугъд æнкъарæнтæ лæвар кæны горæты цæрджытæн. Йе мбæлттимæ парахат кæны чингуытæй æмæ зарджытæй ист цитатæтæ. Афтæмæй æххæст кæны йæ проект «The Единство». Фидараты Маринæ радзурдзæн бæлвырддæр.
Уарзон æмæ æнæзонгæ чингуытæй цитатæтæ æмæ æлвæст хъуыдытæ ныртæккæ фенæн ис Дзæуджыхъæуы уынгты. Адæмы цæстæнгас сæхимæ лвасынц, фехъусæн кæй нæй, ахæм фæрстытæ. Раст цыма горæт йæ цæрджытимæ ныхас кæны, афтæ. Уыимæ алы авторты хъуыдытæй. Дæнцæгæн æрхæсдзыстæм Зæнджиаты Валерияйы. 3 азы размæ Цæгат Ирыстоны журналистикæйы факультеты студенткæ æрхъуыды кодта проект «The Единство». Йе мбæлтты ххуысæй æрыгон чызг горæты уынгты парахат кæны плакаттæ. Фыст сыл ис, цы чингуытæ бакасти, æмæ цы зарджытæм байхъуыста, уыдонæй ист хъуыдытæ. Йæ сæйраг нысаныл нымайы – алы адæймаджы удыл андзæвын, йæ зæрдыл ын раст хъуыддæгтæ æрлæууын кæнын.
Нырыккон техникон фæрæзты бæсты Валерия уарзы чиныджы кæсын. Ныридæгæн æм ис хъæздыг библиотекæ. Социалон хызты та йын фæзынд йæ проектæн аргъгæнджытæ.
Кæмæндæр ахæм æлвæст хъуыдытæ йæ тыхыл тых æфтауынц, чидæр та сæ райсы дзуæппытæ йæ ахсджиагдæр фæрстытæн. Иу ныхасæй Валерия хъуыдытыл бафтауы алы адæймаджы дæр.
Цымæ дунейы цæрджытæ кæрæдзи уарзыныл кæд сахуыр уыдзысты? Ахæм фарст кæддæр радта зындгонд уацмысы автор. Уыимæ та иумæ, горæты уынгты йыл чи сæмбæлы, уыдон дæр. Бæлвырд дзуапп ын нæма ис, фæлæ йæ базонынмæ тырнын хъæуы. Зæнджиаты Валерияйы уый фидарæй уырны.
