Ахæм æххуысы мадзал уыцы-иу рæстæг баиу кодта раздæры 7 фиддоны
Ацы азы райдианæй, 17 азы онг сывæллæттæ кæм хъомыл кæны, ахæм бинонтæн дæттын райдыдтой иумæйаг фиддонтæ. Ахæм æххуысы мадзал уыцы-иу рæстæг баиу кодта раздæры 7 фиддоны. Ам ныхас цæуы 3 азы онг сывæллæттæ цы бинонты ис, уыдоныл. Уымæй даддæр æрвылмæйон фиддонтæ дæттынц 3 азæй 8 азы онг, 8 азæй 17 азы онг сывæллæттимæ бинонтæн, стæй æнхъæлцау сылгоймæгтæн. Ногдзинад фадат дæтты паддзахадон æххуыс иумæйаг стандарттæм æмæ домæнтæм гæсгæ исынæн. Зæгъдзыстæм ма уый дæр, æмæ ахæм æххуыс исынц, сæ иумæйаг æфтиаг цæрынæн æппынкъаддæры бæрцæй фылдæр кæмæн нæу, уыцы бинонтæ. Цæгат Ирыстоны уый у 12 мины æмæ 938 сомы. Æфтиагæй аразгæ у пособийы бæрц дæр. Рæстæмбисæй 6 409 сомæй хæццæ кæны 12 812 соммæ иу мæймæ. Æнхъæлцау сылгоймæгтæн та иу мæйæн у 7 051 сомæй – 14 102 соммæ. Курдиат бадæттæн ис паддзахадон порталы лæггæдты уылты, кæнæ Социалон фонды æмæ бирæвæрсыг центры регионалон хайады.
