Царды рауагътой регионы сæйраг горæты райрæзтæн адæмы фæндонты сæрмагод платформæ
Дзæуджыхъæуы цæрджытæн сæ бон у горæты мастер-пълан аразыны хъуыддаджы архайын. Кусынц ыл паддзахадон компани ДОМ,РФ-йы специалисттæ. Республикæйы хицауады æмæ Дзæуджыхъæуы администрацийы æххуысæй царды рауагътой регионы сæйраг горæты райрæзтæн адæмы фæндонты сæрмагод платформæ. Æппæт фæндонтæм æркæсдзысты эсперттæ æмæ сæ уый фæстæ специалисттæ спайда кæндзысты. Платформæйыл цæрджытæн сæ бон уыдзæни, Дзæуджыхъæуы сæ цавæр ивддзинæдтæ фенын фæнды, уый фæнысан кæнын. Уымæй уæлдай, телеграммы байгом кодтой чат, уырдæм дæр гæнæн ис, хи фæндон бахæссын, стæй иннæты хъæппæристимæ базонгæ уæвын. Алкæмæн дæр йæ бон у горæты рæзтмæ йæхи ивддзинæдтæ бахæссын, уыимæ, транспортон, инженерон, социалон æмæ туристон инфраструктурæты. Фæндонтæ æмæ курдиæттæ æрвитæн ис сентябры онг. Эксперттæн, бынæттон цæрджытæн, профессионалон æмæхсæнадты æмæ бизнесы минæвæрттæн фембæлд уыдзæни 2-æм февралы горæты администрацийы.
