Архайдтой дзы 8-æй 14 азы онг кæуыл цæуы, уыцы кафджытæ
Аивадон къорд «Иры стъалытæ» рамбылдта сывæллæтты сфæлдыстады æппæтадæмон конкурс «Времена года. Петербург»-ы гран-при. Архайдтой дзы 8-æй 14 азы онг кæуыл цæуы, уыцы кафджытæ. Æвзонг артисттæ сæ разамонæг Анна Смирноваимæ равдыстой номыртæ 4 номинацийы. Сæ арæхстдзинадæн аргъ скодтой жюри уæнгтæ. Конкурсы бæрзонддæр хæрзиуæгæй уæлдай ма ансамблæн саккаг кодтой «Хуыздæр костюм»-ы тыххæй диплом. Сывæллæттæ базонгæ сты бæстæйы иннæ адæмты культурæимæ, архайдтой Уæрæсейы сгуыхт артист, Ныгуылæн æфсæддон зылды зарды æмæ кафты ансамблы сæйраг балетмейстер Андрей Беликовы дæсныйадæвдисæг ахуыры, бабæрæг кодтой Санкт-Петербурджы музейтæ, райстой бирæ ирд æнкъарæнтæ. Уæвгæ, сфæлдыстадон къордæн чысыл æнтыстдзинæдтæ нæй. Фарон «Иры стъалытæ» систы Уæрæсейы вице-чемпионтæ адæмон кæфтытæй æмæ бæстæйы чемпионаты æвзист призертæ кавказаг кæфтытæй.
