филиал вгтрк государственная телерадиовещательная компания “Алания”

Сергей Меняйло тæфæрфæс ракодта, Турчы æмæ Сирийы зæххæнкъуысты чи фæмард, уыдоны бинонтæн æмæ хиуæттæн. «Цыппар мин адæймаджы систы уыцы æрдзон фыдбылызы амæттæгтæ. Фынддæс мин адæймагæй уæлæмæ та фесты цæфтæ. Хъыгагæн, уыцы нымæцтæ фылдæр кæнынц, фыдбылыз та ссис, æмбал кæмæн нæй, ахæм. Уыцы æнамонд хабар фехæлдта бæстæты æмæ горæтты æхсæн арæнтæ, баиу кодта адæмы æмæ нын нæ зæрдыл æрлæууын кодта, æрдзы раз æдых кæй стæм, уый. Ахæм сахат адæймаг уæлдай аргъ кæны, йæ фарсмæ чи балæууы, уыдонæн. Ирыстоны дзыллæйы, стæй мæхи номæй тæфæрфæс кæнын, чи фæмард, уыдоны бинонтæн. Хъыг кæнын уемæ,» — уыдис фыст тæфæрфæсы телы.