Æфсæддонтæн сæ хæстæ фенцондæр кæныны тыххæй волонтертæ, æхсæнадон организацитæ æмæ хуымæтæг зæрдæхæлар адæм сæрмагонд æфсæддон операцийы зонæмæ æрвитынц æппæтæй хъæугæдæр дзаумæттæ
Иумæ – Уæлахизмæ. Æфсæддонтæн сæ хæстæ фенцондæр кæныны тыххæй волонтертæ, æхсæнадон организацитæ æмæ хуымæтæг зæрдæхæлар адæм сæрмагонд æфсæддон операцийы зонæмæ æрвитынц æппæтæй хъæугæдæр дзаумæттæ. Хуыйынц сæрмагонд хæссæнтæ, хъарм дзаумæттæ, быйынц цъындатæ, кæнынц мыдадзын цырæгътæ. Радон гуманитарон æххуыс та Фыдыбæстæ хъахъхъæнджытæм бахæццæ кæндзысты 23-æм февралы. Бæлвырддæр хабæрттæ радзурдзæн Хъайтмазты Дзерассæ.
Ахæм стъолтыл быйынц хæссæнтæ. Алкæцыдæр дзы фæразы 500 килограммы. Тактикон хæссæн тохы быдыры у æппæтæй хъæугæдæр дзауматæй иу. Людмила Храбрых у æппæтуæрæсеон змæлд «Золотые руки ангела»-йы волонтер. Цæгат Ирыстоны ацы организацийы бархионты куыст банывыл кодта. Ацы æрмадзмæ æрбацæуынц зæрдæхæлар адæм. Бирæтæ фæскуыст. Алцыдæр райдыдта баххуыс кæныны фæндонæй. Ныртæккæ ам ис æцæг гуманитарон пункт.
Салдæттыл аудындзинад æнæрхъуыдыйæ нæ баззайы. Хæстонтæ ацы сылгоймæгтæн фронтæй загътой арфæйы ныхæстæ.
Вера Бартель æрмадз йæ хæдзары самал кодта. Йæ хæлæрттимæ хæстонтæн хуыйы хъарм уæлæдарæс. Алчидæр йæхимæ райста бæлвырд хæс. Сæрмагонд æфсæддон операцийы зонæмæ арвыстой 500 æрвитæккагæй фылдæр. Хъарм уæлæдарæсæй уæлдай ма салдæттæ райсдзысты фыстæджытæ æмæ брелоктæ – сæ райгуырæн зæххыл сыл кæй аудынц, уый нысан.
Вера Бартель, волонтер:» Шьем мы всем, кто отправляет запросы лично нам. Отправляли мы в Новосибирск, в Горячий Ключ и передавали непосредственно по Осетии. Бывает 10, 15 и бывает больше 100. По-разному. Передаем из рук в руки. Кто-то в отпуск приезжает, кто-то подлечиться приезжает и уже бойца передаем и они увозят на свои позиции».
Зæрдæхæлар уæвыныл æмæ искæй рыст æмбарыныл сывæллæтты ахуыр кæнынц сæ сабибонтæй. Дзæуджыхъæуы 52-æм рæвдауæндоны хъомылгæнинæгтæ сæмбырд кодтой гуманитарон æххуыс æфсæддонтæн. Хъарм æрмкъухтæ, цъындатæ, продукттæ æмæ алыхуызон хъæугæ дзауматæ. Алчидæр бахаста йе *ххуысы хай.
Гæззаты Бэлæ – Дзæуджыхъæуы 52-æм сывæллæтты рæвдауæндоны сæргълæууæг: «Коллективы цы сылгоймæгтæ кусы, уыдонимæ бауынаффæ кодтам, нæ сабырдзинад чи хъахъхъæны, уыдонæн сæ зæрдæтæ чысыл истæмæй балхæнæм. Загътам се *ппæтæн дæр – нæ къордæн, ныййарджытæн, æмæ иуварс ничи баззад. Иууылдæр бацархайдтой, цæмæй сабырдзинадыл чи тох кæны, уыдонæн чысыл фенцондæр уа».
Фæрæзтæ дарддæр æмбырд кæны адæмон фронт дæр. Стыр гуманитарон проекты минæвæрттæ батальонтæн техникон фæрæзтæ æлхæнынц. Радон уæз та Фыдыбæстæ хъахъхъæнджытæм фæхæццæ кæндзысты хæстæгдæр рæстæг.
Цæгæраты Руслан – Адæмон фронты регионалон штабы æмсæрдар: «Дыууын æртыккæгæм февралы уыдзæн бæрæгбон. Мах цæттæ кæнæм, цæмæй та не фсæддонты бабæрæг кæнæм. Уымæй уæлдай ма адæмæн дæр баххуыс кæнæм. Æфсады сæ куысты цы хъæуы, уыдонæй нын бирæ цыдæртæ радтой, цæрджытæ дæр, æхца дæр æрбарвитынц, квадроцикл дæр нын радтой æмæ ма бирæ цыдæртæ. Уыдон мах не фсæддонтæм фæхæццæ кæндзыстæм, цæмæй сын æнцондæр уа, сæ ныфс фылдæр куыд уа, æмæ уæлахизмæ иумæ цæуæм».
Фæсфронты ахæм фæллойгæнджытæ ис алы регионы дæр. Ацы уæззау рæстæг адæм баиу сты уæлахизы сæрвæлтау.
