15 февраля 2023, 11:18
Чиныг лæвар кæныны æппæтадæмон бон Дзæуджыхъæуы сбæрæг кодтой акци «Балæвар кæн чиныг»-æй
Уæрæсейы скъоладзауты змæлды наукон библиотекæйы арæзт æрцыди сæрмагонд мадзал
Чиныг лæвар кæныны æппæтадæмон бон Дзæуджыхъæуы сбæрæг кодтой акци «Балæвар кæн чиныг»-æй. Уæрæсейы скъоладзауты змæлды наукон библиотекæйы арæзт æрцыди сæрмагонд мадзал. Хуынд æм æрцыдысты республикæйы скъоладзаутæ. Сывæллæттæ кæрæдзийæн лæвар кодтой кæй бакастысты, уыцы чингуытæ. Уыдысты алы жанрты. Аргъæуттæ, аивадон литературæ æмæ поэзи. Мадзал баххæст кодтой сфæлдыстадон номертæй. Рæзгæ фæлтæр бакастысты прозæ æмæ сæхæдæг кæй ныффыстой, ахæм æмдзæвгæтæ. Æдæппæтæй акцийы архайдта 250 скъоладзауы.
темæмæ гæсгæ
