Фæндæгты мониторинг цæуы партион проект «Æдас фæндæгты» фæлгæты
Парти «Иугонд Уæрæсе»-йы уæнгтæ фæндæгтыл æдасæй цæуыны паддзахадон автоинспекцийы æмæ горæты администрацийы минæвæрттимæ мониторинг скодтой Дзæуджыхъæуы аварион фæндæгты æппæты тæссагдæр уаццагтæн. Æркастысты æмæ аргъ скодтой фондз бынатæн. Фарон дзы æрцыди цалдæр фæндаггон фыдбылызы. Уæвгæ, фæндæгты мониторинг цæуы партион проект «Æдас фæндæгты» фæлгæты. Баст у фæндæгты æдасдзинадимæ æмæ æхсæнады ргом бæрнондзинадмæ здахынимæ, стæй фæндæгты хæрзхъæддзинад фæфидардæр кæнынимæ. Ам сæйрагдæр у, цæмæй алы бæлццондæр æмбара, æмæ æххæст кæна фæтк. Бæрæггæнæн мадзæлтты хатдзæгтæ арвитдзысты Дзæуджыхъæуы бынæттон администрацимæ æмæ автоинспекцийы управленимæ. Æмæ афтæмæй, иумæйаг тыхтæй кусдзысты аиппдзинæдтыл.
