Экспозици конд у сæрмагонд æфсæддон операцийы архайджыты кадæн
Дзæуджыхъæуы Терчы был фæлладуадзæн фæзы байгом хуызистыты равдыст «Герои и Подвиги». Экспозици конд у сæрмагонд æфсæддон операцийы архайджыты кадæн. Бацæттæ йæ кодтой Уæрæсейы æфсæддон-историон æхсæнады, стæй Цæгат Ирыстоны национ политикæ æмæ æддагон бастдзинæдты министрад. Уæвгæ, равдыст баст у Фыдыбæстæ хъахъхъæнæджы бонимæ. Экспозици æмбырдгæнгæйæ стыр æххуыс бакодтой хъæбатырты бинонтæ, сæхи архивтæй райстой хуызистытæ æмæ сæ мысинæгтæ радзырдтой сæ хиуæтты тыххæй. Зæгъын хъæуы уый, æмæ ацы къамты равдыст у хъæбатырдзинады æмæ уæндондзинады æвдисæн, хæстон æфсымæрады æмæ райгуырæн бæстæ хъахъхъæныны æвдисæн. Равдыст равæрдтой фысымуат «Владикавказ»-ы фæлладуадзæн фæзы цур.
