Бахыгъдтой æрмæст мониторингы хатдзæгтæ нæ, фæлæ ма сæйрагдæр – адæмы курдиæттæ
Мит атади æмæ раргом сты фæндæгты лыггæнинаг фарстатæ. Специалисттæ хæстæгдæр рæстæг фæнд кæнынц цалцæг райдайын. Снысан кодтой бюджет. Горæты администрацийы бахыгъдтой æрмæст мониторингы хатдзæгтæ нæ, фæлæ ма сæйрагдæр – адæмы курдиæттæ. Бæлвырддæр хабæрттæ радзурдзæн Хъайтмазты Дзерассæ.
Хъарм бонтæ куы ракæна, уæд горæты райдайдзысты фæндæгтæ цалцæг кæнын. Дзæуджыхъæуы администрацийы ацы аз снысан кодтой 40 уаццагæй фылдæрмæ базилын. Нацпроект «Æдас æмæ хæрзхъæд фæндæгтæ»-м гæсгæ та сцалцæг кæндзысты 30 уынджы бæрц.
Чъизи, дзыхъхъытæ – ахæм фæндагыл Темыраты æфсымæрты уынджы ног хæдзары цæрджыты хъæуы сæ цæрæнбынæттæм цæуын. Грибоедовы уынджы ацы хай фистæгцæуджытæн нæу. Ног хæдзармæ раивгæйæ, адæм, фыццаджыдæр, сæмбырд кодтой æхца æмæ бацархайдтой цæугæ фæндагмæ базилыныл. Фæлæ бирæ ахаста. Дуканимæ дæр æрмæст машинæйыл бахæццæ уæвын ис.
Чысыл уынгты асфальт сног кæндзысты муниципалон программæмæ гæсгæ. Ныртæккæ йæ радмæ æнхъæлмæ кæсы Охотничийы фæрсуынг. Иу кæны Темыраты æфсымæрты æмæ Зæнджиаты Владимиры уынгтæ. Къæвдабонты фистæгцæуджытæн ам ахизын æнцон нæ вæййы. Муниципалон программæ «Транспортон инфраструктурæйы райрæзт»-мæ гæсгæ ма нысан кæнынц 15-20 фæндаджы хаймæ базилын. Куыстытæ æххæстгонд цæудзысты, бынæттон нысаниуæг кæмæн ис, уыцы фæндæгтыл.
Ацы аз ма сцалцæг кæндзысты Ставропольскийы уынджы фæндаджы уæлцъар. Ахæм уынаффæ специалисттæ рахастой, цæрджыты курдиæтты фæстæ бынат куы бабæрæг кодтой, уæд.
