Маркировкæйы процесс æххæстгонд цæуы цалдæр къæпхæнæй
«Æууæнчы нысан». Продуктты хæрзхъæддзинадмæ цæст дарын ныр у æнцондæр. Товартыл нысангонд æрцæуы сæрмагонд QR код. Уый фæрцы базонæн ис продукты тыххæй бæлвырд информаци. Бæстæйы системæ кусын райдыдта 2 азы размæ. Маркировкæйы процесс æххæстгонд цæуы цалдæр къæпхæнæй. Кæронмæ йæ фæнд кæнынц 2024-æм азы ахæццæ кæнын. Бæлвырддæр хабæрттæ радзурдзæн Хъайтмазты Дзерассæ.
Кокайты Аланæ у кондитер æмæ 3 сывæллоны мад. Продуктты хæрхъæддзинадмæ йæм сæрмагонд домæнтæ ис. Нæлхæ æмæ æхсыры цъæрттæ равзары æрмæст æхсырысæртæй конд. Лæмбынæг æркæсы æхсыры бæззыны æмгъуыдмæ. Хъуамæ æнæмæнг уа цыбыр.
Хæрзхъæд продуктты аргъ кæддæриддæр бæрзонддæр вæййы. Аланæ фæархайы раст хыгъдимæ хойрæгтæ æвзарыныл. Æнæ зианхæссæг уæлæмхасæнтæй.
Æууæнчы нысан кæнæ та хæрзхъæддзинады маркировкæ. Товартæм цæст дарыны национ системæ гаранти дæтты продукцийы хæрзхъæддзинадæн. Хойрæгты æнæмæнг маркировкæ бæстæйы архайы 2021-æм азæй фæстæмæ. Алцыдæр райдыдта æхсыры продукцийæ. Товарыл цы QR код ис, уый дæтты йæ бæззыны æмгъуыды, кæм конд у, æмæ ма суанг йæ маршруты тыххæй информаци. Продукт æмгъуыдивгъуыд куы уа, уæд æй кассæ блокадæ скæндзæн æмæ йæ балхæнæн нæ уыдзæн.
Паддзахад бæлвырд кæны цыхты, къæдоры, нæлхæйы, сæлдæджы, йогурты, къæпыйы æмæ æхсырысæрты хæрзхъæддзинад. Ахæм системæ ныридæгæн йæхи хорз равдыста иннæ къабæзты дæр.
Æхсыры продукци æнæ маркировкæйæ кæнæ маркировкæйы фæткæвæрд хæлд куы уа, афтæмæй уæй кæныны тыххæй æмбæлы административон ивар. Хойрæгты маркировкæ æххæстгонд цæуы къæпхæнгай. 1-æм мартъийæ æхсыры продукцийæ фæстæмæ системæйы фæзынд дон дæр. Маркировкæйы процесс кæронмæ фæнд кæнынц 2024-æм азы ахæццæ кæнын.
