филиал вгтрк государственная телерадиовещательная компания “Алания”

Парти «Иугонд Уæрæсе»-йы минæвæрттæ йæ гуырæнбоны фæдыл арфæ ракодтой Фыдыбæстæйы Стыр хæсты ветеран Черчесты  Алыксандрæн. Сæххæст ыл 89 азы. Хæст куы райдыдта, уæд ыл цыди 8 азы. Уыцы уæззау азты йæ райгуырæн бæстæйæн æххуыс кодта куыд йæ бон уыди, афтæ. 41-æм азы ныллæууыд минæйыл. Йæ къах фæци уæззау цæф, баззад æнæ къухæй, йæ цæстытæй дæр дзæбæх нал уыдта. Республикæйы заводты фæфæллой кодта 65 азы. Черчесты Алыксандр пенсийы куы рацыд, уæд дæр кодта активон куыст. Уыди Дзæуджыхъæуы инвалидты æхсæнады сæрдар. Йæ бирæ азты æнæзæрдæхудт куысты тыххæй хорзæхгонд æрцыди Фæллойы намысы 3-æм къпхæны орденæй æмæ майданæй сттæй ма бирæ æндæр хæрзиуджытæй.