28 марта 2023, 11:30
Ивгъуыд къуырийы дæргъы Цæгат Ирыстоны сбæрæг кодтой, нозтджынæй фæндæгтæм чи рацыд, ахæм сæдæ дыууæ шофыры
Æдæппæтæй та республикæйы фæндæгтыл рабæрæг кодтой æртæ мины авдсæдæ фæндзай барадхæлды
Ивгъуыд къуырийы дæргъы Цæгат Ирыстоны сбæрæг кодтой, нозтджынæй фæндæгтæм чи рацыд, ахæм сæдæ дыууæ шофыры. Æдæппæтæй та республикæйы фæндæгтыл рабæрæг кодтой æртæ мины авдсæдæ фæндзай барадхæлды — хъусын кæны республикæйы мидхъуыддæгты министрад. Аххосджынтæ сеппæтдæр дзуапп ратдзысты административон уагæй. Дыккаг хатт расыгæй фæндагмæ чи рацыд, ахæм цыппæрдæс шофырыл скодтой уголовон хъуыддæгтæ. Машинæ тæрыны бартæ кæмæ нæй æмæ афтæмæй фæндагмæ чи рацыд, ахæм 99 адæймаджы бафхæрдзысты административон уагæй. Ведомствæйы бæрæггæнæнтæм гæсгæ, Цæгат Ирыстоны ивгъуыд къуыри æрцыд 14 фæндаггон фыдбылызы, 23 адæймаджы фæцæфтæ сты.
темæмæ гæсгæ
