Уый тыххæй журналисттæн радзырдта Цæгат Ирыстоны æфсæддон комиссары хæстæ рæстæгмæ æххæстгæнæг Абрил Абдуллаев
Афæдзы райдианæй 150 адæймаджы барвæндонæй æрцыдысты мобилизаци, ноджы ма уыйбæрцæй бафыстой контракттæ сæрмагонд æфсæддон операцийы архайынмæ. Уый тыххæй журналисттæн радзырдта Цæгат Ирыстоны æфсæддон комиссары хæстæ рæстæгмæ æххæстгæнæг Абрил Абдуллаев. Йæ ныхæстæм гæсгæ, дыккаг мобилизаци нæ уыдзæнис, æфсæддæм та исынц барвæндонæй, контракты бындурыл. Ныртæккæ нæ республикæйы, куыд æгас бæстæйы, афтæ, цæуы æфсадмæ сидыны уалдзыгон кампани. Цæгат Ирыстонæй гæрзифтонг тыхтыл бафтдзæн 900 адæймаджы. Уыдон службæ кæндзысты Ныгуылæн æмæ Хуссар æфсæддон зылдты, стæй Центрон æмæ Скæсæны зылдты. Уæлдæр ахуырад кæмæ ис, уыцы сиддонты арвитдзысты национ гвардийы æфсæдты дæлхайæдтæм.
