У нæ бæстæйы 9 горæтæй иу
Цæгатирыстойнаг Дзæуджыхъæу, фыццаг хатт æвзæрст æрцыд сæрмагонд проект «Городские практики»-йы архайынмæ. У нæ бæстæйы 9 горæтæй иу. «Городские практики» хаст æрцыд программæ Архитекторы.РФ-мæ. Конд цæуынц ДОМ.РФ æмæ Дзæуджыхъæуы администрацийы стратегион райрæзты æмгуыстады бадзырдмæ гæсгæ. Практикон ахуырты темæ «Внедрение дизайн-кода» хуымæтæджы нæ равзæрстой. Ныртæккæ ДОМ.РФ кусы Дзæуджыхъæуы мастер-планыл. Бæстондæр хабæрттæ Сосраты Жаннæйы сюжеты.
Дзæуджыхъæумæ ног цæстæнгасæй ракæсын, уыимæ культурон – историон бынтæ бахъахъхъæнын. Ацы хæслæвæрд æнцондæртæй кæд нæу, уæддæр у цымыдисаг. Ныртæккæ проекты уæнгтæ кусынц Куйбышевы æмæ Кировы уынгтæ иртасыныл, куыд рабæрæг, афтæмæй дзы бирæ хицæндзиндæтыл бацархайын хъæуы.
Архитектортæ, хицауады минæвæрттæ, бизнесментæ. Архайджыты хсæн ис хуымæтæг, горæты уавæрмæ куыдфæндыйы цæстæй чи нæ кæсы, ахæм адæм. Иууылдæр сты æмвæнд, сæ сæйраг хъуыдытæ æмæ нысан у иу – горæты æнцонвадат архайдæн фылдæр хъуыддæгтæ саразын.
Зæгъын ма хъæуы уый дæр, æмæ иртасæн куыстытæм бавналыны размæ проекты архайджытæ байхъуыстой онлайн –лекцитæм.
Хъуысаты Алан схъомыл Цæгат Ирыстоны. Фæстаг 20 азы цæрди Мæскуыйы. Ныр та æрбаздæхт Дзæуджыхъæумæ. Куыд зæгъы, уымæ гæсгæ горæты фарстайаг хъуыддæгтæм куыдфæндыйы цæстæй кæсын йæ бон нæу. Проекты фæлгæты Алан иртæста Куйбышевы уынг.
Æппæт фиппаинæгтæ дæр баиу кодтой иу ахурадон проекты. Уæвгæ «Городские практики» у рухстауæн программæ, кæцыйы фæрцы сæ зонындзинæдтæ фылдæр кæнынц горæты æнцæнвадат архайды райрæзты хъуыддаджы. Алы куыст дæр æвдыст æрцыд Дзæуджыхъæуы администрацийы минæвæрттæм.
Программæ «Городские практики» Уæрæсейы алы регионты арæзт цæуы 2020-æм азæй фæстæмæ. Цæгат Ирыстоны та конд æрцыд фыццаг хатт.
