06 апреля 2023, 11:04
Дзæуджыхъæуы теннисы клуб «Асгард»-ы территорийы райдыдтой фæткъуы бæлæсты талатæ садзын
Цъæх фæлысты акцийы архайдтой æвзонг спортсментæ æмæ Уæрæсейы фæсивæды цæдисы волонтертæ
Дзæуджыхъæуы теннисы клуб «Асгард»-ы территорийы райдыдтой фæткъуы бæлæсты талатæ садзын. Цъæх фæлысты акцийы архайдтой æвзонг спортсментæ æмæ Уæрæсейы фæсивæды цæдисы волонтертæ. Талатæ нæ горæтæн балæвар кодтой меценаттæ Гæззаты Юрий æмæ Николай. Дзæуджыхъæуы бынæттон администрацийы сæргълæууæг Милдзыхты Вячеславы амындмæ гæсгæ, ныртæккæ егъау куыстытæ цæуынц БАМы районы аивдзинадыл. Цъæх фæлысты куыстытæ цæудзысты ацы къуырийы кæронмæ. Бафиппайын хъæуы уый, æмæ ацы мадзал уыд Дзæуджыхъæуы Цæгат-Ныгуылæн районы бæлæсты садзыны акцийы æртыккаг къæпхæн. Уый размæ уал ныссагътой тæгæр æмæ гæды бæласы 250 талайы.
темæмæ гæсгæ
