Сабитæ ныв кодтой, Цæгат Ирыстонæй фронты чи ис, уыдоны портреттæ
Парти «Иугонд Уæрæсе»-йы хъæппæрисæй арæзт æрцыди акци «Сæрмагонд æфсæддон операцийы хъæбатыртæ сывæллæтты цæстæй». Сабитæ ныв кодтой, Цæгат Ирыстонæй фронты чи ис, уыдоны портреттæ. Мадзал бацæттæ кодтой æппæтуæрæсеон марафон «Нæ иумæйаг уæлахиз»-ы фæлгæты, уый та баст у Фыдыбæстæйы Стыр хæсты уæлахизимæ. Акци саразджытæ куыд зæгъынц, афтæмæй фæсивæд иууылдæр архайдтой зæрдиагæй, сæ куыстытæ сæххæст кодтой креативонæй. Зæгъæн ис, æмæ иууылдæр арф бахъардтой адæмы зæрдæтæм. Скъоладзауты нывтæй бацæттæ кодтой равдыстыты стенд. Экспозици фенæн ис партийы исæнуаты 9-æм майы онг. Уый фæстæ та нывтæ арвитдзысты фронтмæ. Ахæм акциты руаджы рæзгæ фæлтæрмæ гуырын кæнынц сæ Фыдыбæстæмæ уарзондзинад.
