19 апреля 2023, 11:26
Дзæджыхъæуы 47-æм скъолайы дæр, æфсæддон оркестры архайдимæ, арæзт æрцыд æдзард æфсæддонты номыл мадзал
Скъолайы рауагъдонтæй 6-æн байгом кодтой номарæн фæйнæджытæ
Хæст у лæгæвзарæн фæлварæн. Дзæджыхъæуы 47-æм скъолайы дæр, æфсæддон оркестры архайдимæ, арæзт æрцыд æдзард æфсæддонты номыл мадзал. Скъолайы рауагъдонтæй 6-æн байгом кодтой номарæн фæйнæджытæ. Йæ рæстæджы ацы лæппутæ ахуыр кодтой ацы скъолайы, уый фæстæ равзæрстой Фыдыбæстæ хъахъхъæныны хæс. Александр Филиппский, Дмитрий Зайцев, Шахин Ахмедов, Николай Горбань, Хуыгаты Артур æмæ Гæгуылаты Георгий фронты баххæст кодтой фыццаг рæнхъытæ, æмæ систы æцæг лæгдзинады дæнцæг æвдисæг. Сæ номыл, стæй сæ ныййарджыты æмæ хæстæджыты номыл ацы бон хъуыстысты æгæрон бузныджы ныхæстæ, ахæм хъæбатырты кæй схъомыл кодтой, уый тыххæй.
темæмæ гæсгæ
