Мадзал сарæзтой, фыссæджы райгуырдыл 130 азы кæй сæххæст, уый фæдыл
Дзæуджыхъæуы централизацигонд библиотекæты иугонды æрымысыдысты Мугуты Хадзы–Мураты рухс ном. Мадзал сарæзтой, фыссæджы райгуырдыл 130 азы кæй сæххæст, уый фæдыл. Æрбахуыдтой йæм арæзтадон техникумы студентты æмæ сæ ахуыргæнджыты. Мугуйы-фырт фыста æмдзæвгæтæ, радзырдтæ, романтæ, очерктæ æмæ таурæгътæ. Мадзалмæ хуынд æрцыд не сфæлдыстадон къорд дæр æмæ ныхасы бар Тъехты Элинæйæн.
Мугуты Хадзы – Мураты мысæн изæры хуызæн мадзæлттæ аразын ахсджиаг хъуыддаг у, цæмæй рæзгæ фæлтæр хуыздæр зоной ирыстойнаг фысджыты тыххæй – зæгъы библиотекæйы бæстæзонæн хайады сæргълæууæг Дзугаты – Мурасты Риммæ.
Ирыстоны фысджытæй 3 хæсты фæд – фæдыл æрмæстдæр Мугуйы фырт архайдта. Дунеон, мидхæсты æмæ Фыдыбæстæйы Стыр хæсты. Адæм æй хорз зонынц роман «Буйный Терек»-мæ гæсгæ.
Мугуты Хадзы – Мураты курдиатæн аргъ кодтой канд Ирыстоны нæ, фæлæ æнæхъæн советон цæдисы иугонды. Йе сфæлдыстады тыххæй йæм фыстой бæстæйы алы рæттæй. Хорз зыдта Кавказы взæгтæ дæр. Дзырдта уырыссаг, туркаг, фарси æмæ англисаг æвзæгтыл.
Сфæлдыстадон куыст кодта 50 азы онг. Уыцы рæстæгмæ ныффыста 100 уацмысæй фылдæр. Фыста уырыссаг æвзагыл. Йæ куыстытæ йын ратæлмац кодтой немыцаг, балхъайраг, персайнаг æмæ бирæ æндæр æвзæгтæм.
Мугуты Хадзы – Мурат фыста æмдзæвгæтæ, радзырдтæ, романтæ, очерктæ æмæ таурæгътæ. Уыцы-иу рæстæг хæцыд знагимæ æмæ фыста, йæ алыварс цы уыдта, уый. Ахсджиаг у, цæмæй хъайтар æмæ фыссæджы тыххæй зоной рæзгæ фæлтæртæ.
