филиал вгтрк государственная телерадиовещательная компания “Алания”

Дзæуджыхъæуы 3-аг хатт сарæзтой чингуыты равдыст. Традицимæ гæсгæ вæййы чиныджы æмæ авторы барты æппæтдунеон бон. Ацы хатт мадзал сбастой Нарты кадджыты хъайтартимæ. Хетæгкаты Къостайы номыл центрон парчы цур сарæзтой армукъа. Балхæнæн дзы уыд чингуытæ. Адæмы размæ рахастой нарты эпос, алайнаг библиотекæ, Цæгат Ирыстоны равзæрд æмæ райрæзт, стæй уырыссаг литературæйы классикæ. Уымæй уæлдай ма дзы уыд бынæттон нывгæнджыты куыстытæ æмæ сувениртæ. Республикæйы цæрджыты æмæ уазджыты бахъæлдзæг кодтой Алайнаг гимназы ахуырдзаутæ, Гергиты Валерийы номыл аивæдты колледжы скрипкæйæ цæгъдыны ансамбль, Ирон театры артисттæ æмæ нырыккон зарæггæнджытæ.