Республикæйы æфсæддон-патриотон центры бархионтæ рацыдысты 1,5 мин горæты уынгтæм, цæмæй се ппæтæн дæр байуарой хæстон намысы сæйраг символ
Уæлахизы кадæн нæ бæстæйы расидтысты æрвылазон Æппæтуæрæсеон акци «Георгийы лент». Республикæйы æфсæддон-патриотон центры бархионтæ рацыдысты мин æмæ 500 горæты уынгтæм, цæмæй се ппæтæн дæр байуарой хæстон намысы сæйраг символ. Дзæуджыхъæуы ахæм акци арæзт æрцыд Плиты Иссæйы цыртдзæвæны цур, стæй Сабырдзинады проспекты базарадон центрæй иуы. Уæлдæр куды загътам, афтæмæй акци фæцæуы алы аз дæр. Райдайы апрелы дыккаг æмбисы, æмæ ахæццæ вæййы 9-æм майы онг. Уæрæсейы æмæ дунейы æндæр бæстæты цæрæг милуангай адæймæгтæ Георгийы лент бафидар кæнынц сæ уæлæдарæсыл. Афтæмæй æвдисынц, Стыр Уæлахизы æмæ Фыдыбæстæйы сæраппонд хъæбатырдзинад чи равдыста, уыцы æфсæддонтæн æгæрон кад кæй кæнынц, уый. «Георгийы лент» нымад у номарæны, хъæбатырдзинады æмæ фæлтæрты бастдинады символ.
