Сарæзтой йæ цалдæр мысæн цауы кадæн: уыдон та сты – Советон Цæдисы хъæбатыр Хетæгкаты Георгийы райгуырды 120 азы, стæй Сырх Æфсады инæлар – майор Цæлыккаты Хъантемыры райгуырды 115 азы
Алагиры Барахъты Гинойы номыл библиотекæйы арæзт æрцыд «Лæгдзинады урок». Сарæзтой йæ цалдæр мысæн цауы кадæн. Уыдон та сты – Советон Цæдисы хъæбатыр æмæ æфсæддон инæлар Хетæгкаты Георгийы райгуырды 120 азы, стæй Сырх Æфсады инæлар – майор Цæлыккаты Хъантемыры райгуырды 115 азы. Мадзалы архайдтой районы ветеранты цæдисы æмæ æхсæнадон змæлд «Стыр Ныхас»-ы минæвæрттæ, стæй Цæлыккаты æмæ Хетæгкаты мыггæгты хистæртæ. Уазджыты хсæн уыдысты хъæды хæдзарады техникумы студенттæ, скъоладзаутæ æмæ кадетон кълæсты хъомылгæнинæгтæ. Библиотекæйы кусджытæ бацæттæ кодтой презентаци, республикæйы архивтæй сæмбырд кодтой хъайтарты биографион хабæрттæ æмæ къамтæ.




